ლგტბ სიახლეები --- ბოლო პოსტები: ორი ძმის სიყვარულის ისტორია ___ სპორტის ცოცხალი ლეგენდა გეია ___ უნივერსიტეტის ღმერთები ___ სტადიონის ღმერთების ინგლისური ვერსია ___ შვედი ჰომოსექსუალები ეკლესიაში დაიწერენ ჯვარს ___ როგორც იქნა - ვაქცინა შიდსის წინააღმდეგ ___ გეი რეპერი ___ იესო გეია - ქართველებს ყველაზე დიდი პენისი ჰქონიათ ___ ლუჟკოვი გეი სიმბოლოს ძეგლის გახსნაზე ___ მერაია ქერი სცენაზე გეი წყვილს ლოცავს

Saturday, January 23, 2010

საქართველოს საპატრიარქო და საქართველოში არსებული ტრადიციული რელიგიების წარმომადგენლები განცხადებას ავრცელებენ


საქართველოს საპატრიარქოსა და საქართველოში არსებული ტრადიციული რელიგიების წარმომადგენლები განცხადებას ავრცელებენ.მათი განცხადებით, ა. წ. 25-29 იანვარს სტრასბურგში ევროსაბჭოს საპარლამენტო ასამბლეის მომავალ სესიაზე სხვა საკითხებთან ერთად იგეგმება "სექსუალური ორიენტაციის ნიადაგზე დისკრიმინაციისა და სქესის იდენტიფიკაციის~ კანონპროექტის განხილვა, რომელიც ჰომოსექსუალიზმის, ბისექსუალიზმის და სხვა სექსუალური გადახრების ლეგალიზებას გულისხმობს. ამავე სესიაზე გამოტანილი იქნება დოკუმენტი, რომელიც აბორტს წარმოგვიდგენს როგორც ქალის უფლებასა და ოჯახის დაგეგმვის საშუალებას.
"შეუძლებელია, ევროპა, რომლიც უძველესი ქრისტიანული სამყაროს ნაწილს წარმოადგენს და რომლის კულტურაც მთლიანად რელიგიური ნიშნით არის განმსჭვალული, ევროსაბჭოს მაღალი ტრიბუნიდან ხმას აძლევდეს ისეთი მოვლენის ჩვეულებრივ ნორმად ქცევას, როგორიც არის სექსუალური გადახრები", _ ნათქვამია განცხადებაში.
განცხადებაში ხაზგასმულია, რომ ჰომოსექსუალიზმი, ბისექსუალიზმი და სხვა მსგავსი ქმედებანი არამარტო ქრისტიანობაში, არამედ ყველა ტრადიციულ რელიგიაში უდიდეს ცოდვად არის მიჩნეული, რადგან იგი ადამიანის გადაგვარებას, მის სულიერ და ფიზიკურ დაავადებებს იწვევს.
"ბუნებრივია ჩნდება კითხვა: თუკი შესაძლებელია, ადამიანის უფლებების დაცვის მოტივით, მის თავისუფალ ნებაზე აპელირებით, ცხოვრების დასაშვებ ნორმად იქცეს ეს უზნეობა, რა ლოგიკით ვგმობთ ნარკომანიას, პედოფილიას, სუიციდს და სხვა მსგავს მახინჯ ფორმებს?! იგივე ითქმის აბორტთან დაკავშირებითაც. არავის აქვს უფლება, მუცლადღების პერიოდში შეუწყვიტოს სიცოცხლე ჩვილს. არა აქვს მნიშვნელობა, რა ხნისაა ჩანასახი. იგი პირველი დღეებიდანვე იმ უფლებებით უნდა სარგებლობდეს, როგორც ზრდასრული ადამიანი", _ აღნიშნულია განცხადებაში.
საქართველოს მართლმადიდებელი ეკლესია და საქართველოში არსებული სხვა ტრადიციული რელიგიური ორგანიზაციების წარმომადგენლები, მიმართავენ ევროსაბჭოს დეპუტატებს, არ დაუჭირონ მხარი აღნიშნულ საკანონმდებლო ინიციატივებს.
"იმედს გამოვთქვამთ, რომ საქართველოს საპარლამენტო დელეგაცია გაემიჯნება ამ კანონპროექტებს და ევროსაბჭოს საპარლამენტო ასამბლეის მიერ დოკუმენტის მიღების შემთხვევაშიც კი საქართველო არ შეუერთდება მას", _ ნათქვამია განცხადებაში, რომელსაც ხელს აწერენ საქართველოს საპატრიარქოდან _ მიტროპოლიტი გერასიმე (შარაშენიძე), წმიდა საყდრის სადესპანოდან საქართველოში _ მონსენიორ კლაუდიო გუჯეროტი, სომხური სამოციქულო ეკლესიის საქართველოს ეპარქიის ხელმძღვანელი ეპისკოპოსი _ ვაზგენ მირზახანიანი, საქართველოს მთავარი რაბინის მოვალეობის შემსრულებელი _ აბი-მელექ ალექსანდრე როზენბლატი, სრულიად კავკასიის მუსლიმთა სამმართველოს
სრულუფლებიანი წარმომადგენელი ახუნდი ალი ალიევი.
წყარო http://www.ghn.ge/news-6732.html

Thursday, December 31, 2009

ყველას გილოცავთ ახალ 2010 წელს !!!!!



Wednesday, December 23, 2009

SOS- Police attack on NGO in Georgia



On December 15 2009 the office of the Inclusive Foundation, a well known Georgian LGBT organisation, was raided by the police. They did not wear police uniforms, did not provide a search warrant, did not inform about their identity or agency they represented and did not explain the purpose of their intrusion. Members of the LGBT community were present in the office during the raid for a regular meeting of the “Women’s Club”. The men confiscated cell phones of all those present in the office, did not allow them to contact their families, and made degrading and humiliating remarks, such as ‘perverts’, ‘sick persons’, Satanists. They threatened to take photos of the women and disseminate them to reveal their sexual orientation. They also threatened ‘to kill’ and ‘tear to pieces’ one of the leaders of the organisation, Eka Agdgomelashvili, if she did not stop demanding the search warrant and identification documents of the police.

Paata Sabelashvili, the leader of the organization, was arrested as a result of the raid. Soon after arrest he confessed to the possession of 8 grams of marijuana. However, because he made the confession before seeing his lawyer, without the presence of anyone except law enforcement officials, the validity and voluntary character of the confession is highly suspicious.

Staff members of the organization are under continuous surveillance up till now. Their homes, movement in the city and office are under constant surveillance by cars full of men without uniform. One such car is permanently stationed outside the entrance to the house of one of the staff members.

The raid on the Inclusive Foundation represents a logical continuation of the policy of repression of non-governmental organizations conducted by the Georgian government. It aims at marginalizing, intimidating and discrediting human rights defenders in Georgia.

Please, find below the full details of the case in our appeal to the Georgian President, the Public Defender of Georgia, the Diplomatic Missions accredited in Georgia as well as international organisations.

Inclusive - Foundation

ფონდი “ინკლუზივის” საგანგებო მიმართვა


საქართველოს პრეზიდენტს
საქართველოში აკრედიტებულ დიპლომატიურ სამსახურებს
საერთაშორისო ორგანიზაციების წარმომადგენლებს
საქართველოს სახალხო დამცველს
მ ი მ ა რ თ ვ ა
ქართულ სამოქალაქო სექტორზე თავდასხმის გამო
2009 წლის 15 დეკემბერს, საღამოს 7 სათზე ფონდ “ინკლუზივის” ოფისში 5 უფორმო, შეიარაღებული ადამიანი შეიჭრა. ფონდში, ხელმძღვანელის გარდა იმყოფებოდნენ ქალთა კლუბის წევრები. უცნობმა პირებმა ისინი გააფრთხილეს არ დაეტოვებინათ ოთახი და განუცხადეს, რომ მხოლოდ “მათი უფროსი” აინტერესებდათ. ფონდის ხელმძღვანელი რამდენიმე პირმა სხვა ოთახში გაიყვანა. ამის შემდეგ, მათ ტელეფონზე დარეკეს და 8 საათისათვის ოფისში უცხო პირთა რიცხვი უკვე 12-13-მდე გაიზარდა. იქ მყოფთა მონათხრობით, შემომჭრისას მათ არ ეცვათ პოლიციელთა ფორმები (რამდენიმე მათგანმა მხოლოდ ოფისში შემოიცვა ქურთუკი შესაბამისი წარწერით), არ უჩვენებიათ ჩხრეკის ორდერი, უარი თქვეს საბუთის წარდგენასა და იდენტობის გამჟღავნებაზე.
თვითმხილველთა თქმით, მათ შეახსენეს ოფისში შემოსულ პირებს, რომ ჩხრეკას, რომელიც მეორე ოთახში დაიწყო, მოწმეები სჭირდებოდა. ყველას ჩამოართვეს ტელეფონები, ცალკე ოთახში გადაიყვანეს და რამდენიმე “პოლიციელი” მიუჩინეს. გოგონები რამდენიმე საათის განმავლობაში გამოკეტილი ჰყავდათ ოთახში, არ მისცეს ახლობლებთან დაკავშირების საშუალება, აყენებდნენ სიტყვიერ შეურაცხყოფას – ეძახდნენ გადახრილებს, ავადმყოფებს, სატანისტებს, დასცინოდნენ და აშანტაჟებდნენ. ემუქრებოდნენ, რომ გადაუღებდნენ და გაავრცელებდნენ სურათებს. ჩამოხიეს კედლებზე გაკრული პლაკატიც. იყო ფიზიკური ლიკვიდაციის მუქარაც, განსაკუთრებით ფონდის თანამშრომლების ეკა აღდგომელაშვილისა და თინათინ ჯაფარიძის მიმართ, რომლებიც დაჟინებით მოითხოვდნენ ჩხრეკის ორდერის ან რაიმე საბუთის წარდგენას. ამ მოთხოვნაზე ისინი ცინიკურად პასუხობდნენ, რომ “ორდერსა და საბუთს მხოლოდ იმას აჩვენებენ, ვისაც საჭიროა.” ამ თავდასხმის შემდეგ დაკავებულ იქნა ორგანიზაციის ხელმძღვანელი პაატა საბელაშვილი.
ერთ-ერთმა პირმა, რომელიც განსაკუთრებული აგრესიულობითა და ჰომოფობიით გამოირჩეოდა, ფონდის თანამშრომელს თავი კუდი-ის ოპერატიულ თანამშრომლად, გიორგი გეგეჭკორად წარუდგინა. თუმცა, 18 დეკემბერს გამართულ სასამართლო სხდომაზე იგი გამომძიებლის როლში წარსდგა სასამართლოს წინაშე დავით ხიდეშელის სახელითა და გვარით. ამას გარდა, მეორე პირი (როგორც მოგვიანებით გაირკვა პოლიციის ქვეგანყოფილების ერთ-ერთი ხელმძღვანელი), რომელიც განსაკუთრებით ბილწსიტყვაობდა, ფიზიკური ლიკვიდაციით დაემუქრა ეკა აღდგომელაშვილს თუ ის არ დაუყოვნებლივ გაჩუმდებოდა (“მოგსპობ, მიწასთან გაგასწორებ”, “გააჩუმეთ ეს ქალი, თორემ მოვკლავ” და სხვ.). ფონდის თანამშრომლის რეპლიკაზე, რომ ისინი აჭარბებენ საკუთარ უფლებამოსილებას და პასუხს აგებენ ასეთ საქციელზე, მან უპასუხა: “მიჩივლე, ფეხები არ მომჭამო”; “მე ვარ კანონიცა და სასამართლოც”.
გაჩხრიკეს ფონდის ოფისში მყოფი ყველა გოგონას ხელჩანთა. რამდენიმე მათგანის ჩანთა გაიჩხრიკა სხვა ოთახში, ისე, რომ მათი მფლობელები არ ესწრებოდნენ ამ პროცედურას და მხოლოდ ამის მერე დაუბრუნეს ის პატრონს. ორ ქალს შეჰყავდა გოგონები საპირფარეშოში (ზოგი ცალკე, ზოგი ორ-ორად), აშიშვლებდნენ მათ და ჩხრეკდნენ, პარალელურად მათ უწოდებდნენ გადახრილებს, ავადმყოფებს. არც ერთი მათგანის ჩხრეკვის ოქმი ადგილზე არ შეუდგენიათ. პროცედურის დასრულების შემდეგ ერთ-ერთი “პოლიციელი” ქალბატონი პირჯვრისწერით ამბობდა, რომ “ამათ ქალის სხეული შეაზიზღეს”.
ოფისსა და ოფისის თანამშრომლებზე დღემდე ხდება ზეწოლა – გაურკვეველი პირები ღიად უთვალთვალებენ და დაყვებიან მათ. ოფისთან მუდმივად მორიგეობს მანქანა; ასევე რამდენიმე პირი დგას ერთ-ერთი თანამშრომლის სადარბაზოსთანაც რომელიც ოფისის მახლობლად ცხოვრობს.
ფონდში შემოჭრის მიზეზის მიუხედავდ, “ინკლუზივის” დარბევა იმ ლოგიკურ გაგრძელებას წარმოადგენს, რომელიც საქართველოში ადამიანთა უფლებათადაცვითი ორგანიზაციების მიმართ ხორციელდება და მათ დისკრედიტაციას ემსახურება. Aმ მხრივ საყურადღებოა საზოგადოებრივი მაუწყებლის მიერ მანამდე გავრცელებული სიუჟეტი “ადამიანთა უფლებების პრიორიტეტის” წევრთა მიერ დევნილებისათვის თანხის გამოძალვის თაობაზე, რუსთავი 2-ს სიუჟეტი საია-ს მიერ სტრასბურგში საქართველოს წინააღმდეგ წარდგენილი სარჩელის თაობაზე ქვეყნის საწინააღმდეგო ქმედების კონოტაციით და სხვ. ამ მოვლენებს წინ უსწრებდა გაზეთ “ბათუმელების” ჟურნალისტის დაშანტაჟების მცდელობა, რომლის მონაწილენიც დღემდე დაუსჯელნი არიან.
შესაბამისად, არსებობს საშიშროება, რომ ორგანიზაციის პროფილის გათვალისწინებით, მოხდეს ჰომოსექსუალობის თემით მანიპულირება და საზოგადოების რადიკალურად განწყობილ ჯგუფებში აგრესიის ხელოვნურად გაღვივება.
საგულისხმოა, რომ ხელისუფლება მსგავს შემთხვევებში განყენებულ პოზიციას იკავებს და ქვეყნის შიგნით თუნდაც დემოკრატიული პრინციპების უგულვებელყოფის ხარჯზე მართლმადიდებლური ინტერესების დამცველად, ხოლო მის საზღვრებს გარეთ ფუნდამენტალისტურ და სამოქალაქო სექტორის დაპირისპირების მსხვერპლად წარმოაჩენს თავს. აქედან გამომდინარე არსებობს საფრთხე რომ მიზანმიმართულად ხდება არასამთავრობო ორგანიზაციების ლიდერთა მარგინალიზაცია, მათი კრიმინალიზაციის ან დისკრედიტაციის გზით.
ამრიგად,
1) ვაპროტესტებთ ადამიანის ღირსების, უფლებებისა და იდენტობის შეურაცხყოფას და მოვითხოვთ დაისაჯონ ის პირები, რომლებიც ზეპირსიტყვიერ, ფსიქოლოგიურ და ფიზიკურ ძალადობას სჩადიოდნენ ფონდ “ინკლუზივის” თანამშრომლების მიმართ.
2) მოვითხოვთ საქართველოს ხელისუფლებამ კანონით დადგენილი რეაგირება მოახდინოს ძალადობის ყველა მსგავს შემთხვევაზე, მოიკვლიოს და დასაჯოს მსგავს შემთხვევებში მონაწილე ყველა პირი.
3) ვთხოვთ საერთაშორისო ორგანიზაციებს და საქართველოში აკრედიტებულ დიპლომატიურ სამსახურებს მუდმივი მონიტორინგი გაუწიონ პაატა საბელაშვილის პატიმრობის პირობებს და მისი უფლებების ზედმიწევნითი დაცვის მოთხოვნით მიმართონ საქართველოს ხელისუფლებასა და სამართალდამცავ ორგანოებს. Aასევე ვთხოვთ, მუდმივი მონიტორინგი გაუწიონ მსგავს შემთხვევებსა და საქართველოს ხელისუფლების მხრიდან მისი მოქალაქეების დაცვის ვალდებულების შესრულებას.
3) მოვითხოვთ საინფორმაციო საშუალებებმა მკაცრად დაიცვან უდანაშაულობის პრეზუმფცია და პიროვნების ღირსების ხელშეულებლობა და თავი შეიკავონ ყოველგვარი დეზინფორმაციის და შესაბამისად გადაუმოწმებელი ინფორმაციის გავრცელებისაგან.
4) მოვითხოვთ დაუყოვნებლივ შეწყდეს ფონდის თანამშრომლების დევნა, თვალთვალი და ფსიქოლოგიური ზეწოლა.
5) ვთხოვთ საქართველოს სახალხო დამცველს განსაკუთრებული ყურადღებით მოეკიდოს ფონდი ინკლუზივის დარბევის საკითხს და მონიტორინგი განახორციელოს პაატა საბელაშვილის ყველა სამოქალაქო უფლებების ზედმიწევნით დაცვაზე.
დამატებითი ინფორმაციისათვის მიმართეთ ეკა აღდგომელაშვილს.
ფონდი “ინკლუზივი”

Monday, November 2, 2009

გეი პარადი და საქართველო



რამდენიმე თვის წინ ჩემ ბლოგზე გამოკითხვა ჩავატარე, თუ რას ფიქრობდნენ გეი პარადზე ბლოგის მკითხველები. თუმცა შემდეგ რამდენიმე თვით ბლოგის განახლება შევაჩერე და ამ პოსტსაც მხოლოდ ეხლა ვაქვეყნებ…



 გეი პარადი, ეს სიტყვა ერთნაერად სცემს თავზარს ქართველ ჰომოფობებს, გეებს თუ ლიბერალებს. თვით ყველაზე გახსნილი ადამაინებისაგანაც კი ხშირად გამიგია რომ საჭირო არაა ქუჩაში გამოხვიდე და იყვირო რომ გეი ხარ. ალბათ პრობლემის არსიც იმაშია, რომ ასეთი მანიფესტაციის გაგება ისეთ ქვეყანაში სადაც იგი უბრალოდ არ ჩატარებულა საფუძველშივე მცდარია და იმ სტერეოტიპებს ემყარება რომელსაც უხვად გვაწვდის ქართული თუ უცხოური მედია.
თვითონ სიტყვა გეი პარადი ცუდად იყო თავიდანვე შერჩეული და სხვათაშორის უკვე რვა წელია გეი პარადი აღარ ჰქვია, მაგრამ ყველა მაინც გეი პარადს ეძახის (მეც მათ შორის:). საქმე ეხება ყველაზე მასობრივ, თეატრალიზებულ მანიფესტაციას რომელიც ყოველწლიურად იმართება და რომლის მიზანიცაა უფლებებისათვის ბრძოლა და მოთხოვნების წამოყენება, და არა უბრალოდ ყვირილი რომ გეები ვართ დაგვინახეთო. ძნელია ამტკიცო რა ფუნქცია აქვს გეი პარადს. ალბათ არაფერი. ფუნქცია აქვს ჩაინიკს. რაც შეეხება ასეთ მანიფესტაციას აქ მთავარია მოთხოვნები რის გამოც ეს მანიფეტაცია ტარდება და შესაბამისად ოცდაათწლიანი გეი მანიფესტაციების შედეგები.

ნუ ვიქნებით გულუბრყვილოები და ნუ ვიფიქრებთ რომ გეი პარადი გადაწყვეტს ყველა პრობლემას რომელიც საკანონმდებლო სივრცეში არსებობს ან რომ გეი პარადი ჩატარდება და ყველა პრობლემა საზოგადოებაში მოიხსნება. მაგრამ ფაქტია რომ უფლებები რომლებიც დღეს აქვთ ზოგიერთ ქვეყანაში ჰომოსექსუალებს თავისით არ მოსულა. არცერთ მთავრობას არ გაუღვიძია ერთ მშვენიერ დღეს და არ უთქვამს მოდი ეხლა ჰომოსექსუალობა დანაშაულად აღარ ითვლებოდეს, ჰომოსექსუალებს უფლებები მივცეთ, დაქორწინდნენ, შვილები ყავდეთ და იყვნენ საზოგადოების ჩვეულებრივი წევრებიო. მაგალითისათვის ავიღოთ დემოკრატიის აკვანად წოდებული საფრანგეთი. პირველი გეი პარადის შემდეგ მაშინდელმა პრეზიდენტობის კანდიდატმა მიტერანმა წინასაარჩევნო დაპირებაში შეიტანა ჰომოსექსუალობის დეპენალიზაცია, რომელიც პრეზიდენტად გახდომის შემდეგ 1981 წელს აღასრულა კიდეც. ეს იყო პირდაპირი შედეგი ევროპაში ერთ-ერთი პირველი გეი პარადისა. დღესაც ათასობით, ზოგჯერ მილიონამდე ადამიანის გამოსვლა ქალაქში ამ მოძრაობის მხარდასაჭერად აიძულებს პოლიტიკოსებს უარი თქვან რადიკალურ განცხადებებზე (დაახლოებით ისეთი ლორთქიფანიძემ რომ გააკეთა). ხშირად გამიგია, ამას იმიტომ არ აკეთებენ ევროპელი პოლიტიკოსები რომ კანონი კრძალავსო. არა. კანონი არ კრძალავს,  მაგრამ თავის გამაიმუნების ეშინიათ. ეს სწორედ იმიტომ რომ დაინახეს, საზოგადოება (არა მხოლოდ ჰომოსექსუალები) განვითარდა. დღეს ნებისმიერ პოლიტიკოსს შეუძლია სთქვას ის რაც ლორთქქიფანიძემ განაცხადა, ამისთვის მას არ დაიჭერენ. მაგრამ უარესი კი დაემართება. ეს მისი პულიტიკურ სიკვდილს გამოიწვევს.


სწორედ მრავალწლიანი ბრძოლის შედეგია ის რომ ბევრ ქვეყანაში სადაც ოცხდახუთი წლის წინათ ჰომოსექსუალობა კანონით ისჯებოდა დღეს ერთსქესიანი ქორწინება ნებადართულია.
რაც შეეხება გამოხატვის ფორმებს, დიახ ხშირად ატარებს ასეთი მანიფესტაციები პროვოკაციულ ხასიათს, მაგრამ ძირითადად თეატრალიზებული სანახაობაა. ეს ყველას აღიზიანებს. თუმცა რიო-დეჟანეიროს კარნავალი რომელიც ზუსტად ასეთივე მსვლელობაა რატომღაც არავის არ აღიზიანებს.
მოწინააღმდეგეებისაგან აი ყველაზე ხშირად რა მომისმენია :
მითი ტიტლიკანა კაცებზე. დავიწყოთ იქიდან რომ სრული შიშიშვლე ქუჩაში ყველა ქვეყანაში დასჯადი ქმედებაა და შესაბამისად ვერავინ გაბედავს სრულად გაშიშვლებას პარადზე. თუმცა არიან ნახევრად შიშველი ადამიანები, წელს ზევით შიშვლები, ან ყველაზე ექტრემალები საბანაო კოსტუმებით. მართალია ისინი ამ მსვლელობაში სრულ უმცირესობას წარმოადგენენ მაგრამ მედიაში ყველაზე კარგად ეს სურათები იყიდება. შესაბამისად დამკვიდრდა სტერეოტიპი გეი პარადიგარყვნილების ზეიმი.
 კი ბატონო გეი ხარ, რაღა საჭიროა ყვირილი. ასეთ რამესაც ხშირად გაიგებ. სინამდვილეში კი, სამწუხაროდ და არა საბედნიეროდ სწორედაც რომ ყვირილია საჭირო. რომ არ ყოფილიყო პრობლემები არ იქნებოდა არც გეი მანიფესტაციების აუცილებლობა.
ცალკე თემაა ის არგუმენტები რომელსაც ულტრა რადიკალები ასახელებენ, ქვეყანას რომელიც ამას დაუშვებს ღმერთი დასჯის, სატანისტებო და ასე შემდეგ. მაგრამ ვფიქრობ ბლოგოსფეროში ამ თემების სერიოზული განხილვის საჭიროება არა რის. (საბედნიეროდ).
ასეთი მსვლელობა მორწმუნე ადამიანების რელიგიურ გრძნობებს შეურაცხყოფს (ილია II, 2007 წლის აგვისტო). საინტერესოა ეს განცხადება უფრო შეურაცხყოფს ადამიანებს თუ თანასწორუფლებიანობის მოთხოვნით მანიფესტაციის გამართვა.
 ახლა კი დავუბრუნდეთ გამოკითხვას. გამოკითხვაში სულ 108 ადამიანმა მიიღო მონაწილეობა. კითხვა ასეთი იყო, საჭიროა თუ არა გეი პარადის ჩატარება თბილისში. გამოკითხულთა ნახევარი (51პროცენტი) მიიჩნევს რომ კი. დანარჩენი 49 პროცენტიდან ნაწილი წინააღმდეგია ნაწილმა კი არ იცის. ერთი შეხედვით საიმედო შედეგებია თუმცა თუ გავითვალისწინებთ იმას რომ ჩემ ბლოგზე ჰომოფობები ნაკლებად შემოდიან (კომენტარების მიხედვით თუ ვიმსჯელებთ) შედეგები ნათლად აჩვენებს თუ რა დამოკიდებულებაა საზოგადოებაში გეი პარადთან მიმართებაში.


სამართლიანობისათვის ისიც უნდა ითქვას რომ გეი პარადის არარსებობა საქართველოში არაა მხოლოდ ულტრამორწმუნეების ბრალი. თავად გეები არ აქტიურობენ, თორემ ჩემი აზრით მიუხედავად ყველა პირობის არარსებობისა, უფლებებისათვის მანიფესტაციის გამართვა დღევანდელ საქართველოში უკვე შესაძლებელია. ამის დასტურად დასავლეთის ქვეყნების გამოცდილებაც გამოდგება, ბევრ ქვეყანაში ჯერ კიდევ მაშინ დაიწყო გეი პარადების გამართვა როდესაც კანონით ჰომოსექსუალობა ისჯებოდა.  

Friday, October 30, 2009

პედოფილია რელიგიის სახელით




ქართული თარგმანი:
-ქორწინება ეს არის ორი რამ: პირველ რიგში ვლაპარაკობთ თავად ქორწინების აქტზე, კონტრაქტზე, ეს ერთი. რაც შეეხება ქორწინების მოხმარებაას, ანუ პირველი სექსუალური კონტაქტის დამყარებას საკუთარ ცოლთან, ეს მეორე რამაა. არ არსებობს მინიმალური ასაკი ქორწინების კონტრაქტის გასაფორმებლად. შეგიძლიათ დაქორწინდეთ ერთი წლის გოგონაზე, ისევე როგორც ცხრა, შვიდი თუ რვა წლის ბავშვზე. აქ საქმე მხოლოდ კონტრაქტს ეხება. ასეთ შემთხვევაში გადაწყვეტილება (გოგონას) მაამამ უნდა მიიღოს, რადგანაც მამის აზრის გათვალისწინება აუცილებელია. ამგვარად გოგონა ხდება ცოლი. მაგრამ არის თუ არა გოგონა მზად სექსისთვის ? რომელი ასაკიდან შეიძლება ბავშვს ქონდეს პირველი სექსუალური კონტაქტი ? ეს ყველაფერი დამოკიდებულია გარემოზე და ტრადიციებზე. იემენში გოგოებს ათხოვებენ ცხრა, ათი, თერთმეტი, რვა ან ცამეტი წლისას (სტილი დაცულია), მაგრამ სხვა ქვეყნებში 16 წლისას. ზოგიერთმა ქვეყანამ მიიღო კანონი რომელიც კრძალავს 18 წლამდე ასაკის გოგონასთან სექსუალური კონტაქტის დამყარებას. პროფეტი მუჰამედი არის მოდელი რომელსაც ჩვენ მივყვებით. მან აიშა ცოლად მოიყვანა როდესაც იგი 6 წლის იყო, მაგრამ მასთან სექსუალური კონტაქტი არ დაუმყარებია სანამ 9 წლისა არ გახდებოდა.
- როდესაც ექვსი წლის იყო… ?
ის დაქორწინდა როდესაც ექვსი წლის იყო, მაგრამ ქორწინება პირველად მოიხმარა (სტილი დაცულია) მხოლოდ მაშინ როდესაც გოგონა ცხრა წლის გახდა. ჩვენ მუჰამედი მოდელად მიგვაჩნია.
- ჩემი კითხვა ასეთია, 12 წლის ბიჭის ქორწინება 11 წლის გოგონასთან არის თუ არა ლოგიკური ქორწინება და ნებადართული ისლამური კანონების მიხედვით ?
- თუ წარმომადგენელი მამაა კი … წარმოიდგინეთ სიტუაცია როდესაც მამას ჰყავს რამოდენიმე პატარა ქალიშვილი, იგი სამოგზაუროდ უნდა წავიდეს. ვის ჩააბაროს თავის ქალიშვილები ? არ ჯობია დააქორწინო გოგო სანდო და მისაღებ კანდიდატურაზე, რომელსაც ექნება სექსი როდესაც ბავშვი გაიზრდება. (ბოლო პასუხის თარგმანი შემოკლებულია).

პს: აი ესენი მე მიკრძალავენ ქორწინებას!!!!!

Monday, October 26, 2009

ორი ძმის სიყვარულის ისტორია


თავიდან ბოლომდე (Do Começo Ao Fim) ასე ჰქვია ბრაზილიურ ფილმს რომელიც ჯერ კიდევ აგვისტოს ბოლოს უნდა გამოსულიყო ეკრანებზე, თუმცა პრემიერა გადაიდო. საბოლოოდ ფილმი 27 ნოემბერს გამოვა ბრაზილიაში. მართალია ფილმი ჯერ არ გამოსულა მაგრამ დიდი ხმაურის მიზეზი უკვე გახდა. მართაც იგი ყველა ინგრედიენტს შეიცავს დასაინტრიგებლად და აღსაშფოთებლად. მასში მოთხრობილია ორი ძმის სიყვარულის შესახებ. დამეთანხმებით ალბათ რომ მეტად სპეციფიკური თემაა და ტაბუდადებული ყველა საზოგადოებაში. თავიდან ვიფიქრე რომ თემა უბრალოდ პიარისათვის და იაფფასიანი რეკლამისათვის შეარჩია რეჟისორმა , მაგრამ თრეილერი რომელიც YouTube-ზე დევს ამის თქმის საბაბს არ იძლევა. პირადად მე ძალიან დამაინტრიგა და დიდი სიამოვნებით ვნახავ როცა შესაძლებლობა მომეცემა, კომენტარსაც მერე გავაკეთებ.



 
javascript