ლგტბ სიახლეები --- ბოლო პოსტები: ორი ძმის სიყვარულის ისტორია ___ სპორტის ცოცხალი ლეგენდა გეია ___ უნივერსიტეტის ღმერთები ___ სტადიონის ღმერთების ინგლისური ვერსია ___ შვედი ჰომოსექსუალები ეკლესიაში დაიწერენ ჯვარს ___ როგორც იქნა - ვაქცინა შიდსის წინააღმდეგ ___ გეი რეპერი ___ იესო გეია - ქართველებს ყველაზე დიდი პენისი ჰქონიათ ___ ლუჟკოვი გეი სიმბოლოს ძეგლის გახსნაზე ___ მერაია ქერი სცენაზე გეი წყვილს ლოცავს

Wednesday, April 29, 2009

დოკუმენტური ფილმი ჰომოსექსუალ ჰომოფობებზე

შეურაცხყოფა (თარგმანი სხვაგვარადაც შეიძლება, ორიგინალში ,,Outrage'') ასე ქვია ახალ დოკუმენტურ ფილმს რომელიც 8 მაისიდან გამოვა ამერიკის კინოეკრანებზე. ფილმი მთლიანად დოკუმენტურია და მოგვითხრობს ამერიკული პოლიტიკური სპექტრის ჰიპოკრიტულობაზე. მაშინ როდესაც სახალხოდ ბევრი ცნობილი პოლიტიკოსი ზოგი რელიგიის, ზოგიც ოჯახის სიწმინდის დაცვის მიზნით გამოდის გეების წინააღმდეგ, ბევრი მათგანა თავადაა დაფარული გეი. (ხა ხა ხა, რამდენი ვნმე გამახსენდა საქართველოში).
დოკუმენტური ფილმი ძირითადად აგებულია ასეთი ჩუმი ჰომოსექსუალების ექს ან ახლანდელ სექს პარტნიორებთან საუბრებით.
პირადად ჩემთვის ასეთი დუკუმუნტური ფილმის გადაღება მიუღებელია. მართალია ასეთი ადამიანების არსებობის შესახებ ვინც ენერგიულად იბრძვიან ჩვენს წინააღმდეგ და ამ დროს თვითონ არიან ჰომოსექსუალები ყველამ უნდა იცოდეს, მაგრამ არსებობს პირადი ცხოვრების ხელშეუხებლობის პრინციპი, რომლის დარღვევაც ისეთივე დანაშაულია როგორც ჰომოფობია.
რამოდენიმე ციტატა ფილმიდან რომელიც ჩვენს რეალობას ძალიან ესადაგება, ამიტომ მომეწონა:
,,კაცები წვებიან კაცებთან ვიკენდებზე და გამოდიან ჰომოსექსუალების საწინააღმდეგოდ კვირის განმავლობაში''.
.,,ისინი იქცევიან ბავშვებივით, რაც უფრო მეტს იყვირებენ გეების წინააღმდეგ ჰგონიათ რომ მეტად დაარწმუნებენ ყველას რომ თავად არ არიან გეები''.
.,,ვის ებრძვიან? საკუთარ თავებს?''
ფილმი ჰარვი მილკის სიტყვებით მთავრდება: ,, ყველა ჰომოსექსუალი რომ გააკეთებდეს ქამინაუთს, ჩვენ გავიმარჯვებთ''.

Saturday, April 11, 2009

მამათმავალი სპილუკა, ჰომოფობიის მსხვერპლი :)

 


როგორც ჩანს ჰომოფობიას საზღვრები არა აქვს. პოლონეთის ქალაქ პონზანის მუნიციპალიტეტის წარმომადგენელი ულტრამემარჯვენე პარტიიდან აღშფოთებულია თავის ქალაქში გახსნილი ჰომოსექსუალის გამოჩენით. ნინიო სულ 10 წლისაა და უკვე არსად და არავისთან არ მალავს თავის სექსუალურ ორიენტაციას და როგორც მნახველები ამბობენ თავს საკმაოდ ბედნიერად უნდა გრძნობდეს. თუმცა მის ბედნიერებას ყველა როდი იზიარებს.

საქმე იმაშია რომ ამ ქალაქში სპეციალური სპილოების პარკის მშენებლობა, რომელიც ევროპაში სიდიდით პირველია 11 მილიონი დოლარი დაჯდა. მუნიციპალიტეტი შიშობს რომ ჰომოსექსუალი სპილუკა, რომელიც ზედაც არ უყურებს სპილო ქალებს, შთამომავლებსაც ვერ დატოვებს, რაც პარკის მომავლისათვის არც თუ სასიამოვნო უნდა იყოს, თუმცა ზოოპარკის დირექციამ გაავრცელა თავის პოზიცია, რომელიც იმედისმომცემია. საქმე იმაშია რომ სპილოები სექსუალურ სიმწიფეს 14 წლამდე აღწევენ, ჩვენი ნინოა კი სულ რაღაც 10 წლისაა და ასაკის მატებასთან ერთად შესაძლოა სიმპატიურმა სპილო ქალბატონებმაც მიიპყრონ მისი ყურადღება.

ასე რომ გამრავლდება თუ არა ნინოა არავინ იცის, მაგრამ თავის ქალაქში რომ უკვე ნამდვილი ვარსკვლავია და მთელი ქალაქის მთავრობა ერთ ადგილზე კიდია ეს ფაქტია.

Thursday, April 9, 2009

ახალზელანდიელი რეგბისტები ადიდასისთვის (და თქვენთვის:) შიშვლდებიან

ალბათ ბევრი თქვენგანისათვის სასურველი მომენტია რაგბის თამაშის შემდეგ მაისურების გაცვლის სცენების ყურება. სწორედ ამიტომ ადიდასმა რეკლამის ორიგინალურ ხერხს მიმართა. მისი წყალობით შეგიძლიათ შეარჩიოთ ორი მორაგბე რომლებიც თქვენთვის, ერთმანეთს გაუცვლიან მაისურებს. რეკლამის მიზანია ახალ ზელანდიაში ადიდასის ახალი კოლექციის პრომოუშენი. ეკრანზე მოცემულია ხუთი საუკეთესო რეგბისტი ეროვნული ნაკრებიდან (არ ვიცი საუკეთესონი არიან თუ არა თამაშში მაგრამ ისე რო ვერ დაიწუნებ ვერც ერთს, განსაკუთრებით კი პირველს და ბოლოდან მეორეს ეს ცხადია:) შეარჩიეთ ორი მათგანი და ღილაკზე ართი დაჭერით ნახეთ ტრადიციული, მაისურების გაცვლის სცენა ხოლო თუ უფრო მეტი გინდათ დააჭირეთ ,,slo mo''ს და ნახეთ კიდევ უფრო ახლო პლანით.
საიტზე გადასასვლელად დააჭირეთ აქ

მშვიდობიან 9 აპრილს გისურვებთ :):):)

Wednesday, April 8, 2009

ერთსქესიანი ქორწინება ახლა უკვე ოთხ შტატშია შესაძლებელი

ერთი კვირაც არაა გასული მას შემდეგ რაც ამერიკის რიგით მესამე შტატში დაკანონდა ერთსქესიანი ქორწინება და... დღეს უკვე ამერიკა ოთხ შტატს ითვლის სადაც ჰომოსექსუალებს ოჯახის შექმნის საშუალება აქვთ. მასაჩუსეტის, კონექტიკუტის და აიოვას შემდეგ ვერმონტი რიგით მეოთხე შტატი გახდა ამერიკის ისტორიაში სადაც ქორწინება აღარ იქნება დაყვანილი მხოლოდ ქალსა და მამაკაცსშორის კავშირად.
სხვა დანარჩენი შტატებისაგან განსხვავებით, სადაც ერთსქესიანი ქორწინება უზენაესი სასამართლოს ჩარევით იქნა მიღებული, ვერმონტში პირველად ხდება ქორწინების ლეგალიზება საპარლამენტო გზით. პარლამენტის ქვედა და ზედა პალატებმა ერთად დაუჭირეს მხარი ამ გადაწყვეტილებას, შტატის გუბერნატორის ნების საწინააღმდეგოდ, რომელმაც აღნიშნულ კანონთან დაკავშირებით ორშაბათს ვეტოს უფლება გამოიყენა. შტატის კანონმდებლობით გუბერნატორის ვეტოს უფლებას გადაწონის პარლამენტის ორივე პალატის გადაწყვეტილება.


გასულ წელს წარუმატებლად დასრულდა ერთსქესიანი ქორწინების ლეგანიზება კალიფორნიის შტატში, სადაც უზენაესი სასამართლოს გადაწყვეტილებას რეფერენდუმით დაუპირისპირდნენ, რომლის შედეგადაც ამომრჩეველთა 52,1% ით კონსტიტუციაში ოფიციალურად ჩაიწერა ერთსქესიანი ქორწინების აკრძალვა.

Saturday, April 4, 2009

მიშელ ობამა და კარლა ბრუნი შიდსის წინააღმდეგ ერთად იბრძოლებენ

 

დღეს სტრასბურგში გამართულ ნატოს სამიტზე პირველად შეხვდნენ ერთმანეთს ამერიკის და საფრანგეთის პირველი ლედები. მათი შეხვედრის შემდეგ ელისეს სასახლემ გაავრცელა ინფორმაცია რომ მიშელ ობამა და კარლა ბრუნი აპირებენ ერთად იბრძოლონ მსოფლიოში შიდსის გავრცელების წინააღმდეგ. სატელეფონო საუბრები ორ პირველ ქალბატონს შორის მომავალი კვირიდან გაიმართება, ხოლო წლის ბოლომდე ჩამოყალიბდება ერთობლივი მოქმედების პროგრამა.
კარლა ბრუნი, რომლის ძმაც შიდსის ვირუსუსაგან გარდაიცვალა უკვე დიდი ხანია აქტიურად არის ჩართული შიდსის წინააღმდეგ ბრძოლაში, გასული წლის დეკემბერში იგი დასახელდა შიდსისაგან დედებისა და ბავშვების დაცვის საკითხებში საფრანგეთის დესპანად შიდსთან ბრძოლის მსოფლიო ფონდში.

ამერიკის კიდევ ერთი შტატი ერთსქესიან ქორწინებას აკანონებს

 

პარასკევს აიოვას შტატის უმაღლესმა სასამართლომ განიხილა ერთსქესიანი ქორწინების კონსტიტუციასთან შესაბამისობის საქმე და გადაწყვიტა რომ ქორწინების აკრძალვა ჰომოსექსუალი წყვილებისათვის ანტიკონსტიტუციურია. ამ გადაწყვეტილებით ამერიკის შუაგულში ჩაკარგული ეს პატარა შტატი, რომელიც ძირითადად სოფლის მეურნეობითაა ცნობილი ამერიკის მესამე შტატი ხდება სადაც ჰომოსექსუალებს დაქორწინება შეუძლიათ.
სასამართლოს გადაწყვეტილებით ცვლილება შევა კანონის იმ მუხლში სადაც განსაზღვრულია ქორწინება როგორც ქალსა და მამაკაცს შორის არსებული სამოქალაქო კავშირი და ამიერიდან სიტყვა ქალი და მამაკაცი შეიცვლება ორ პიროვნებას შორის კავშირით.
ჰომოსექსუალთა უფლებების დამცველი ადგილობრივი ორგანიზაციები მიესალმნენ ამ დიდ გამარჯვებას, რომელიც იოლად ნამდვილად არ მოსულა. როგორც მათ განცხადებაშია ნათქვამი ეს არის შედეგი მრავალწლოვანი დაუღალავი ბრძოლისა. საგულისხმოა რომ იოვას შტატმა თვით კალიფორნიასაც და სხვა უმსხვილეს შტატებს დაასწრო ერთსქესიანი ქორწინების ლეგალიზება, მაშინ როდესაც ადგილობრივი მოსახლეობა მკვეთრად უარყოფითადაა განწყობილი ჰომოსექსუალების მიმართ და ხშირად მართავს ჰომოფობიურ საპროტესტო აქციებს.

Thursday, April 2, 2009

პროტესტის უკიდურესი ფორმა - გადანათვლა

აარგენტინაში ათასასმა კათოლიკე ქრისტიანმა ჯვირის აყრის თხოვნით მიმართა ეკლესიას. ყველა მათგანი თავის დროზე მონათლულია ქრისტიანად მაგრამ მათ აღარ სურთ ქრისტიანები ერქვათ. მოძრაობის სახელია «No en mi nombre», (არა ჩემი სახელით). აქციის ორგანიზატორების თქმით მონაწილეთა დიდი უმრავლესიბა ათეისტები არიან, თუმცა ამ სიაში ასევე არიან ლგტბ წარმომადგენლები და სხვა მორწმუნე ქრისტიანებიც, რომლებსაც უბრალოდ აღარ სურთ წარმოადგენდნენ ეკლესიას რომელიც არ სცნობს ადამიანის ელემენტალურ, ფუნდამენტალურ უფლებებს. მოთმინების ზღვარი მას შემდეგ აივსო რაც რომის პაპმა ცნობილი განცხადება გააკეთა პრეზერვატივებთან დაკავშირებით.
სულ ბუენოს აირესის არქიეპისკოპოსს 1100 წერილობით თხოვნას გადასცემენ. მართალია ეკლესიური კანონები ზედმიწევნით არ ითვალისწინებს ასეთ რიტუალს მაგრამ ქვეყნის კანონმდებლობა ინფორმაციის საჯაროობისა და მონაცემთა ბაზების შენახვის შესახებ უფლებას აძლევს ყველა პირს, სურვილის შემთხვევაში ამოეწოროს ნებისმიერი მონაცემთა ბაზიდან სადაც მისი სახელი ან სხვა საკონტაქტო ინფორმაცია ინახება.
ნათლობის რეგისტრები სწორედ ასეთი სახის დოკომენტებია, ამიტომ ეკლესია ვალდებულილია ნებისმიერი მათგანის მოთხოვნა დააკმაყოფილოს და მათი სახელები ამოშალოს ნათლობის რეგისტრიდან.
არგენტინაში ეკლესია და სახელმწიფო მკვეთრად არაა გამიჯნული ერთმანეთისაგან. სახელმწიფო დაწესებულებებში, სკოლებში, საავადმყოფოებში და ა შ. მრავლად ნახავთ საეკლესიო სიმბოლოებს. სახელმწიფო მონათლულ ადამიანთა რაოდენობის მიხედვით ფულად სუბვანციებს უყოფს ეკლესიას. ამ მასობრივი დებაპტიზაციის ერთ ერთი მიზანი სწორედ ესეც არის.
აქციის მონაწილეები იმედოვნებენ რომ მალე ასეთი მოთხოვნით ხალხი მასობრივად გამოვა, რადგანაც დღემდე თითქმის არავინ იცოდა რომ ეს საერთოდ შესაძლებელი იყო. მასობრივი პროტესტის ასეთმა ფორმამ კი შესაძლებელია ბევრი დადებითი შედეგი მოიტანოს, ეკლესია ნათლად დაინახავს რომ ზოგიერთ 2000 წლოვან შეხედულებას და კანონს აღარაფერი აქვთ საერთო დღევანდელ რეალობასთან და შესაბამისად გადახედვას საჭიროებენ.

ჯვარს იწერენ ძე ღვთისა და ძე ღვთისა


შვედეთის პარლამენტმა სრული უმრავლესობით (261 ხმა 21 ის წინააღმდეგ) მიიღო კანონი ჰომოსექსუაალური ქორწინების ლეგალიზაციის შესახებ. ეს ამბავი არც იქნებოდა განსაკუთრებული, მით უმეტეს რომ შვედეთში ჰომოსექსუალებს ჯერ კიდევ 1995 წლიდან ჰქონდათ ქორწინების ძალის მქონე კავშირის გაფორმების უფლება. მაგრამ ახალი ისაა რომ ამიერიდან პირველად მსოფლიოში ჰომოსექსუალებს საშუალება ექნებათ, სურვილის შემთხვევაში ეკლესიაში იქორწინონ.
საქმე იმაშია რომ შვედეთის კანონების მიხედვით ჰეტეროსექსუალებს შეუძლიათ აირჩიონ მერიაში ან ეკლესიაში ქორწინება. ორივე შემთხვევაში ქორწინება ლეგალურია.
ლუთერანული ეკლესია, რომლის მრევლიც ქვეყნის მოსახლეობის 74%ია უკვე მიესალმა აღნიშნული კანონის მიღებას (და ეს საორაპრილო ხუმრობა არ არის). ეკლესია ჯერ კიდევ 2007 წლიდან სთავაზობდა ჰომოსექსუალ წყვილებს კავშირის კურთხევას (და არა ქორწინებას). საბოლოოდ კანონი სინოდმა უნდა დაამტკიცოს. ამავე კანონში აღნიშნულია რომ ნებისმიერ მღვდელს უფლება აქვს უარი განაცხადოს ცერემონიის ჩატარებაზე, ამ შემთხვევაში წყვილს თავად ეკლესია შესთავაზებს სხვა მღვდელს.

Wednesday, April 1, 2009

2009 წლის თბილისის გეი პარადი ივლისში ჩატარდება


თბილისში ივლისის დასაწყისში გეი პარადი გაიმართება. თავდაპირველად პარადი ივნისის ბოლოს უნდა გამართულიყო მაგრამ საპატრიარქოს დაჟინებული თხოვნით, რომელსაც სურდა რომ პარადის მაინცდამაინც ქრისტიანულ დღესასწაულზე შემდგარიყო ორგაანიზატორებმა თარიღი გადაწიეს 12 ივლისისთვის.
პარადზე ჩამოსვლის სურვილი უკვე გამოთქვეს მოსკოვის მერმა იური ლუჟკოვმა და ირანის პრეზიდენტმა მაჰმუდ აჰმადინეჯადმა.
პარადის ორგანიზატორები არიან საქართველოს ჩოხოსანთა და მართლმადიდებელ მშობელთა კავშირები სპონსორობას კი გორის ი.ბ. სტალინის სახლმუზეუმის დირექცია გაწევს .
ჰოლანდიის და შვეიცარიის საელჩოებმაა დაგმეს ეს აქცია და და მოუწოდეს საქართველოს მთავრობას არ დაუშვას თბილისში, ამ დიდი ტრადიციების მატარებელ ქალაქში მამათმავლებისა და სატანისტების მსვლელობა.
 
javascript